Deliverability (mos bjer në spam)

Nëse email-et e tua nuk mbërrijnë ose përfundojnë te spam, shkaku është pothuajse gjithnjë një nga pesë rekordet më poshtë. Paneli i kontrollon të gjitha vetë.

Kontrolli me një klik

Control Panel → Email → Deliverability → “Kontrollo tani”.

Kontrolli lexon gjendjen reale nga interneti (jo nga baza jonë) dhe jep një notë 0–100 me listën e problemeve dhe si rregullohet secili. Nuk ndryshon asgjë — vetëm lexon.

Çfarë kontrollohet

MX — ku dorëzohen mesazhet

Tregon serverin që pranon postën për domainin tënd. Pa MX, asnjë mesazh nuk mbërrin. Kur email-i shërbehet nga ne, MX-i vendoset automatik.

PTR / rDNS — identiteti i serverit

Emri i kundërt i adresës IP të serverit. Gmail-i dhe Outlook-u i refuzojnë ose i çojnë në spam mesazhet nga IP pa PTR. Vendoset te ofruesi i serverit dhe duhet të përputhet me hostin e MX-it (kjo quhet FCrDNS).

SPF — kush ka të drejtë të dërgojë

Një rresht TXT te domaini, p.sh. v=spf1 mx ~all — “lejo serverat e MX-it, të tjerët trajtoji me dyshim”.

DKIM — nënshkrimi kriptografik

Serveri nënshkruan çdo mesazh; çelësi publik qëndron te DNS-i. Nëse çelësi te DNS-i mungon ose s’përputhet me atë të serverit, nënshkrimi dështon dhe besueshmëria bie. Publikohet automatik kur email-i kalon te ne.

DMARC — çfarë të bëjnë të tjerët kur diçka s’përputhet

v=DMARC1; p=none; rua=mailto:dmarc@shembulli.com — fillo me p=none (vetëm raporte), forcoje më vonë.

Këshilla që vlejnë sa gjysma e rekordeve

Mos dërgo masivisht nga një domain i ri. Ngroh ngadalë: pak mesazhe në ditë, rrit gradualisht.
Përdor një adresë reale kthimi dhe përgjigju kur të shkruajnë — ndërveprimi ndikon.
Shmang bashkëngjitjet e mëdha dhe linqet shkurtues te mesazhet e para drejt një kontakti të ri.
Nëse ke ndërruar serverin e email-it, prit disa orë (TTL) derisa ndryshimi të përhapet.

Nëse nota mbetet e ulët

Rregullimet e MX/SPF/DKIM/DMARC te domainet që i mban paneli ynë bëhen automatikisht — hap Control Panel → Email dhe ndiq udhëzimin që të jep kontrolli. PTR-ja është i vetmi që vendoset te ofruesi i serverit; nëse serveri është yni, na shkruaj një tiketë dhe e rregullojmë ne.